ꓡꓲ‐ꓢꓴ ꓢꓯꓼ ꓝꓳ, ꓢꓳ ꓚꓱ, ‐ 2 | ꓟꓬꓺ ꓜꓱꓻ ꓠꓬ ꓮ ꓫꓵꓽ ꓢꓯꓼ ꓥˍꓡ?| English to Lisu

……………………

ꓢꓳ ꓚꓱ, ‐ 2

ii) ꓟꓬꓻ ꓜꓱ (ꓽ)

Q. 1 ꓟꓬꓺ ꓜꓱꓻ ꓠꓬ ꓮ ꓫꓵ ꓥˍꓡ?

‐ ꓟꓬꓺ ꓜꓱꓻ ꓠꓬ ꓱꓺ ꓠꓴꓽ ꓢꓯꓼ ꓥˍꓡꓳ=

‐ ꓝꓮꓲ ꓙꓬꓽ ꓢꓯꓼ ꓥˍꓡꓳ=

Q. 2 ꓟꓬꓺ ꓜꓱꓻ ꓔꓯ ꓬꓲ ꓢꓷ. ꓡꓰ Dꓴ ꓮ ꓫꓵꓽ ꓥˍꓡ?

‐ ꓟꓬꓺ ꓜꓱꓻ ꓔꓯ ꓬꓲ ꓢꓷ. ꓡꓰ Dꓴ ꓠꓬ ꓕꓯꓽ ꓢꓲ ꓗꓪ ꓕꓲꓽ ꓢꓽ꓾

 ꓛꓲ ꓗꓪ ꓗꓪ ꓕꓲꓽ ꓢꓽ ꓙꓳˍꓡꓳ= ꓕꓱ ꓗꓪ ꓡꓳ. ꓠꓬꓲ꓾ (ꓽ)=

ꓟꓬꓺ ꓜꓱꓻ ꓕꓱ ꓟ ꓔꓯ ꓣꓳ ꓐꓴ ꓟꓽ ꓢꓷ. ꓟꓽ D= ꓬꓲ ꓠꓬ ꓬꓲ ꓢꓯꓼ ꓔꓯ ꓱꓺ ꓠꓴꓽ ꓡꓰ ꓝꓲˍꓡꓳ= ꓝꓮꓲ ꓙꓬꓽ ꓢꓯꓼ ꓥˍꓟꓲ ꓬꓲ ꓔꓯ ꓐꓯˍꓡꓳ= ꓖꓳ ꓡꓱ ꓠꓬꓲ ꓕꓱ ꓟ ꓔꓯ ꓣꓳ ꓐꓴ ꓟꓽ ꓪ ꓟꓽ ꓢꓽ ꓢꓷ. ꓡꓰ ꓝꓲ ꓠꓯ,ˍꓡꓳ=

   ꓟꓬꓺ ꓜꓱꓻ ꓔꓯ ꓢꓷ. ꓡꓰ ꓠ, ꓟ ꓐꓰ ꓙꓼ ꓜꓲꓼ ꓡꓰ ꓠ, ꓟ ꓠꓬ ꓮ ꓘꓶ. ꓢˍꓡꓳ= ꓬꓲ ꓠꓬ ꓙꓬꓽ ꓢꓯꓼ ꓥˍꓟ ꓑꓶ. Dꓴ ꓢꓯꓼ ꓝꓳ, (ꓽ) ꓕꓱ ꓡꓱ ꓠꓬꓲꓽ ꓢꓽ ꓔꓯ ꓕꓳ ꓶ ꓐꓳ ꓔˍꓟ ꓕꓳ ꓶ ꓝꓳ, ꓗꓪ ꓡꓳ. ꓟꓳˍꓕꓯ ꓙꓬꓽ ꓢꓯꓼ ꓵꓻ ꓠ ꓗ,ˍꓡꓳ=

   ꓟꓬꓽ ꓠꓬꓲ ꓕꓲ ꓐꓱ ꓠꓬ ꓢꓯꓼ ꓝꓳ, ꓕꓱ ꓟ ꓔꓯ ꓟꓽ ꓢꓷ.ˍꓠꓬꓲ ꓙꓬꓽ ꓢꓯꓼ ꓟꓴ ꓢꓯꓼ ꓒꓯꓽ ꓟꓽ ꓗꓴ.꓾ ꓐꓳ ꓟꓽ ꓗꓴ.ˍꓟ ꓗꓪ ꓐꓰ ꓫ. ꓔꓳ Dꓴ ꓐꓰ ꓠꓲ, ꓟ ꓙꓬ Dꓴ ꓔꓳ, ꓜꓳꓽ ꓔꓬˍꓟ ꓙꓳˍꓡꓳ= ꓖꓳ ꓡꓱ ꓥˍꓟꓲ ꓠꓬꓲ ꓠꓬꓲ ꓕꓱ ꓟ ꓗꓪ ꓠꓴ ꓢꓳ ꓪ ꓡꓰˍꓠꓬꓲ ꓮ ꓙꓵꓽ ꓜꓲ ꓜꓲ ꓟꓴ ꓟꓴ ꓢꓳ ꓢꓷ. ꓡꓰˍꓥꓳ=

   ꓖꓳ ꓡꓱ ꓠꓬꓲ ꓟꓬꓺ ꓜꓱꓻ ꓕꓱ ꓟ ꓔꓯ ꓟꓬꓽ ꓠꓬꓲ ꓙ ꓜꓲꓼ ꓢꓷ. ꓡꓰ ꓠ, ꓟ ꓣꓳ ꓔꓯꓺ ꓥꓳꓽ ꓗꓪ ꓐꓰ ꓢꓳ ꓢꓷ. ꓡꓰ ꓝꓲ ꓡꓯ=

• ꓞꓳ ꓙꓲꓽ ꓠꓽ ꓟꓽ ꓢꓷ.=
• ꓞꓳ ꓙꓲꓽ ꓕꓽ ꓬꓰ=
• ꓮ ꓐ, ꓮ ꓟ ꓔꓯ ꓟꓽ ꓒꓵꓽ ꓟꓽ C ꓕꓽ ꓬꓰ=
• ꓙꓵꓽ ꓗ ꓔꓯ ꓙꓳꓺ ꓒꓵꓽ=
• ꓢꓲꓽ ꓒꓽ ꓢꓲꓽ ꓟꓺ ꓐꓴ ꓔꓯ ꓙꓳꓺ ꓒꓵꓽ=
• ꓬꓰ‐ꓢꓴ ꓫꓵꓽ ꓡꓰ ꓣꓳ ꓝꓴꓲ ꓔꓯ ꓞꓲꓽ ꓫꓬꓻ ꓡꓰꓳ=
• ꓣꓳꓽ ꓠꓬ ꓡꓲ‐ꓢꓴ ꓫꓵꓽ ꓥˍꓡꓳ=
• ꓟꓽ ꓠꓽ ꓠꓽ ꓪ ꓘꓴ=
• ꓟꓽ ꓢꓷ. ꓢꓴ ꓠꓬ ꓢꓷ. ꓢꓴ ꓡꓰ ꓟ. ꓖꓶˍꓟ ꓔꓯ ꓢꓳ=
• ꓢꓯ. ꓫꓵꓽ ꓢꓯ. ꓙꓰꓽ ꓐꓰ ꓙꓳ ꓫꓵꓽ ꓙꓳ ꓙꓰꓽ ꓮ ꓙꓵꓽ ꓠꓬ ꓪꓴ‐ꓢ ꓡꓰ ꓚꓰꓼ ꓔˍꓡꓳ=
• ꓡꓳ. ꓐꓲˍꓟ ꓐꓳꓽ ꓡꓳ, ꓠꓬ ꓥꓪ ꓒ ꓕꓲꓺ ꓗꓪ ꓮʼ ꓚꓳ ꓔꓬ,ˍꓡꓳ=
• ꓮ ꓠꓽ ꓔꓯ ꓕꓽ ꓧꓳꓽ ꓙꓰ=
• ꓥꓪ ꓠꓬ ꓧꓳꓽ ꓪꓴ. ꓟꓴ ꓢꓴ ꓥˍꓡꓳ=
• ꓥꓪ ꓔꓯ ꓜꓻ ꓖꓶꓽ ꓜꓽ ꓡꓯ=
• ꓥꓪ ꓠꓬ ꓠꓴ ꓔꓯ ꓟꓽ ꓠꓵˍꓡꓳ=
• ꓟꓽ D ꓟꓽ ꓢꓽ ꓕꓽ ꓐꓯ ꓡꓯ ꓘꓳ=
• ꓟꓽ ꓢꓷ. ꓢꓴ ꓔꓯ ꓟ. ꓖꓶꓽ=
• ꓟꓽ ꓢꓷ. ꓢꓴ ꓔꓯ ꓕꓽ ꓥꓰ. ꓜꓲ=
• ꓟꓽ ꓙꓳ ꓢꓴ ꓔꓯ ꓫꓱ. ꓤ, ꓙ=
• ꓟꓽ ꓔꓱ,ˍꓟ ꓐꓯ ꓘꓶꓽ ꓔꓯ ꓕꓽ ꓘꓴ ꓣꓴ=

ꓕꓱ ꓟ ꓔꓯ ꓣꓳ ꓡꓯ ꓫꓵ ꓵꓻ ꓢꓳ ꓢꓲ ꓠꓬꓲ ꓟꓬꓺ ꓜꓱꓻ ꓔꓯ ꓣꓳ ꓮ ꓙꓵꓽ ꓢꓴ ꓢꓷ. ꓡꓰ ꓝꓲ ꓡꓯ=

ꓠꓴ ꓪ ꓟꓽ ꓢꓷ.ˍꓟ ꓐꓰ ꓟꓽ ꓙꓼ ꓜꓲꓼˍꓟ ꓙꓳˍꓠꓬ ꓢꓷ. ꓡꓯ ꓘꓳ ꓡꓯ= ꓐ ꓡˍꓟ ꓕꓲ ꓒꓳ, ꓗꓪ ꓐꓰ ꓢꓷ. ꓡꓰ ꓝꓲ Dꓴ ꓥꓳ=

ꓠꓴ ꓗꓪ ꓛꓳ ꓔꓯˍꓟꓲ ꓐꓱ ꓖꓶꓽ ꓢꓲ ꓢꓷ. ꓡꓰ ꓝꓲ=

ꓧꓪ ꓒꓴ ꓥꓳꓽ ꓢꓳ ꓝ. ꓠꓲ, ꓫꓵ ꓢꓴ꓾

• 
  ꓮ ꓘꓶ. ꓣꓱꓽ ꓬꓯꓼˍꓟ ꓧꓪ ꓒꓴ ꓥꓳꓽ ꓫ. ꓕꓱ ꓘꓶ: ꓔꓯ ꓢꓳ ꓣꓴ | English Spoken Sentences by Biyo Lisu
  ꓕꓱ ꓟ ꓠꓬ ꓗꓳ. ꓗꓷˍꓟ ꓗꓪ ꓐꓳ ꓔˍꓟ ꓥˍꓡꓳ= ꓖꓳ ꓡꓱ ꓥˍꓟꓲ ꓐꓳ ꓔˍꓟ ꓟꓽ ꓟꓶ ꓫꓵ ꓕꓯ ꓪꓰꓐꓢꓲꓔꓰ ꓕꓱ ꓟ ꓟꓽ ꓙꓲꓻ ꓡꓰ ꓠꓬꓲ ꓫꓬ, ꓑꓱ ꓗꓷˍꓕꓯ ꓐꓳ ꓔˍꓟ ꓮ ꓙꓵꓽ ꓟꓶꓽ ꓡꓰꓳ=… Read more: ꓮ ꓘꓶ. ꓣꓱꓽ ꓬꓯꓼˍꓟ ꓧꓪ ꓒꓴ ꓥꓳꓽ ꓫ. ꓕꓱ ꓘꓶ: ꓔꓯ ꓢꓳ ꓣꓴ | English Spoken Sentences by Biyo Lisu
• 
  ꓬꓲ ꓙꓬꓻ Dꓳˍꓟ ꓔꓯ ꓫ ꓕꓱ ꓘꓶꓽ | English Spoken Sentences for daily life with Audio by Biyo Lisu| English to Lisu
  ꓬꓲ ꓢꓯꓼ | Audio ……………………………… ꓕꓱ ꓟ ꓗꓪ ꓠꓬ “Water – ꓬꓲꓻ ꓙꓬ” (ꓮ ꓙꓬ) ꓔꓯ. ꓟꓳ. ꓐꓳ ꓔˍꓟ ꓥˍꓡꓳ= ꓣꓳ ꓟꓶ ꓘꓶꓼ ꓠꓯꓼ ꓠꓯꓼ ꓬꓲꓻ ꓙꓬ Dꓳˍꓟ ꓔꓯ. ꓟꓳ. ꓐ ꓡ ꓟꓬ ꓛꓲ… Read more: ꓬꓲ ꓙꓬꓻ Dꓳˍꓟ ꓔꓯ ꓫ ꓕꓱ ꓘꓶꓽ | English Spoken Sentences for daily life with Audio by Biyo Lisu| English to Lisu