By ❤️ꓡꓲ‐ꓢꓴ ꓢꓯꓼ ꓝꓳ, ꓢꓳ ꓣꓴ Dꓴ ꓢꓳ ꓚꓱ, ‐ 3 ꓕꓱ ꓟ ꓗꓪ ꓠꓬ “ꓠ. ꓑꓳꓺ” ꓐꓯˍꓟ ꓕꓱ ꓕꓲꓽ ꓘꓶꓽ ꓔꓯ ꓟ. ꓖꓶꓽ ꓔˍꓡꓳ= ꓖꓳ ꓡꓱ ꓠꓬꓲ ꓣꓳꓽ ꓡꓲ‐ꓢꓴ ꓥꓳꓽ ꓝꓳ, ꓢꓯꓼ ꓠ. ꓑꓳꓺ ꓔꓯ ꓟꓽ ꓢꓷ. ꓟꓽ Dˍꓠꓬꓲ ꓣꓳꓽ ꓮ ꓙꓵꓽ ꓢꓴ ꓜꓲ ꓜꓲ ꓟꓴ ꓟꓴ ꓢꓳ ꓢꓷ. ꓡꓰ ꓝꓲ ꓡꓯ= ꓕꓱ ꓟ ꓗꓪ ꓠꓬ DU DU. ꓤ, ꓗꓪ ꓐꓰ ꓮ ꓘꓶ. ꓙꓼ ꓜꓲꓼ ꓢ ꓠ ꓝꓮꓲ ꓢꓷ. ꓢ ꓠ ꓐꓳ ꓔˍꓡꓳ= ꓖꓳ ꓡꓱ ꓠꓬꓲ ꓣꓳ ꓐꓴ ꓢꓳ ꓣꓴ ꓡꓯ=😊
iii) ꓠ. ꓑꓳꓺ ( , ) ꓐꓬꓱꓽ ꓗꓪ ꓡꓳ. ꓠꓬꓲ꓾ 👇
Q.1 ꓠ. ꓑꓳꓺ ꓠꓬ ꓮ ꓫꓵꓽ ꓥˍꓡ?
- ꓠ. ꓑꓳꓺ ꓠꓬ Dꓯꓺ ꓢꓯꓼ ꓥˍꓠꓬ ꓱ, ꓢꓯꓼ ꓥˍꓡꓳ=
Q. 2 ꓠ. ꓑꓳꓺ ꓔꓯ ꓬꓲ. ꓢꓷ. ꓡꓰ Dꓴ ꓠꓬ ꓮ ꓡꓲ ꓙꓳˍꓡ?
- ꓠ. ꓑꓳꓺ ꓔꓯ ꓬꓲ. ꓢꓷ. ꓡꓰ Dꓴ ꓠꓬ ꓬꓲ. ꓢꓽ ꓖꓲ ꓖꓲꓼ ꓕꓲꓽ ꓢꓽ ꓥˍꓡꓳ=
- ꓡꓳ. ꓠꓬꓲ꓾ (,) ꓐꓬꓱꓽ ꓗꓪ ꓡꓳ. ꓠꓬꓲ꓾👇
ꓣꓳ ꓡꓲ‐ꓢꓴ ꓒꓽ ꓡꓲ‐ꓢꓴ ꓟ ꓕꓲ ꓣꓳ ꓥˍꓠꓬ ꓣꓳꓽ ꓡꓲ‐ꓢꓴ ꓢꓯꓼ ꓝꓳ, ꓔꓯ ꓟꓽ ꓢꓷ. ꓟꓽ Dˍꓟ ꓥˍꓡꓳ=🤗 ꓖꓳ ꓡꓱ ꓠꓬꓲ ꓣꓳ ꓐꓴ ꓢꓷ. ꓢꓴ ꓗꓴ. ꓢꓴ ꓔꓯ ꓠ ꓠꓬꓲ ꓢꓲ ꓢꓳ ꓣꓴ ꓠ, ꓟ ꓝꓮꓲ Online Platform/Social Media ꓗꓪ ꓐꓰ ꓢꓳ ꓣꓴ ꓠ, ꓟ ꓮ ꓘꓶ. ꓢꓯꓼ ꓕꓵꓼ ꓡꓯ= ꓮ ꓟꓶ ꓠꓬ Internet ꓦꓬꓼ ꓠꓬꓲ ꓥˍꓠꓬꓲ ꓦꓲꓻ ꓘꓴꓽ ꓗꓪ ꓔꓬ, ꓢꓲ ꓮꓽ ꓟꓬ, ꓢꓳ ꓣꓴ ꓟꓶ Dˍꓡꓳ= ꓣꓳꓽ ꓮ ꓙꓵꓽ ꓢꓴ ꓠꓬ ꓢꓷ. ꓢꓴ ꓗꓴ. ꓢꓴ ꓟꓽ ꓥ= ꓝꓮꓲ ꓐꓲ ꓜꓲꓼ ꓢꓴ ꓟꓽ ꓥ= ꓣꓳꓽ ꓕꓲ ꓣꓳ ꓮ ꓡꓲ ꓢꓷ. ꓔ ꓖꓳ ꓡꓱ ꓟ. ꓖꓶꓽ ꓑꓱꓺ ꓖꓶꓽ ꓡꓯ ꓘꓳ ꓠꓯ,ˍꓡꓳ=
ꓖꓳ ꓡꓱ ꓠꓬꓲ ꓕꓱ ꓟ ꓗꓪ ꓠꓬ ꓣꓳ ꓮ ꓙꓵꓽ ꓢꓴ Dꓴ. Dꓴ. ꓤ, ꓗꓪ ꓐꓰ ꓡꓲ‐ꓢꓴ ꓢꓯꓼ ꓝꓳ, ꓠ. ꓑꓳꓺ ꓔꓯ ꓢꓳ ꓣꓴ ꓙꓰ ꓡꓯ=
ꓔꓯꓺ ꓥꓳꓽ ꓗꓪ ꓡꓳ. ꓠꓬꓲ ꓡꓯ=❤️
- ꓟ, ꓟꓺ (Mother)
- ꓐ, ꓐ (Father)
- ꓠꓬ, (Bird)
- ꓪꓰꓺ ꓕꓳ, (Fox)
- ꓢꓲ, ꓪꓰꓺ (Flower)
- ꓢꓲ, ꓜꓲ (Tree)
- ꓠꓲ, ꓟ (Heart)
- ꓢꓷ. ꓠꓲ, (Knowledge)
ꓫ. ꓕꓱ ꓘꓶꓽ ꓗꓪ ꓡꓳ. ꓠꓬꓲ ꓡꓯ=
- ꓢꓷ. ꓠꓲ, ꓪ ꓢꓳ ꓪ ꓢꓷ. ꓡ=
- ꓢꓲ, ꓜꓲ ꓮꓽ ꓔꓳ ꓔꓳ ꓕꓽ ꓘꓶꓻ=
- ꓟ, ꓟ ꓠꓬ ꓜꓻ ꓚ. ꓔꓬˍꓡꓳ=
- ꓐ, ꓐ ꓟ, ꓟ ꓟ. ꓘꓶꓽ ꓔꓯ ꓠ ꓡꓳ.=
- ꓙꓵꓻ ꓠꓲ, ꓙꓵꓻ ꓚꓱ, ꓪꓴꓽ ꓡ ꓝꓲ=
- ꓛꓴꓽ ꓙꓳ ꓢꓴ ꓔꓯ ꓠꓵꓻ ꓠꓲ, ꓟꓳ. ꓖꓶꓽ=
- ꓡꓲ‐ꓢꓴ ꓤꓼ ꓟꓶꓼ ꓡꓯ. ꓠꓬ ꓢꓲ, ꓪꓰꓺ ꓕꓯ ꓢꓲ ꓡꓳ. ꓐꓲˍꓡꓳ=
- ꓡꓲ‐ꓢꓴ ꓫꓵꓽ ꓔꓯ ꓣꓳꓽ ꓠꓲ, ꓠꓵꓻ=
- ꓙꓲꓻˍꓟ ꓚꓱ, ꓗꓪ ꓙ ꓫꓱꓽ=
- ꓡꓲ‐ꓢꓴ ꓕꓳ ꓶ ꓝꓳ, ꓟꓽ ꓢꓷ. ꓟꓽ D=